பிரச்சனை ஓய்ந்து விட்டது என்ற எண்ணத்தில் இலங்கை மக்களின் கொண்டாட்டத்துக்குரிய நேரம் இதுவல்ல என்றும் எல்லோரும் இணைந்து காயப்பட்ட பொதுமக்களையும் அவர்களது உணர்வுகளையும் குணமாக்க வேண்டிய முக்கிய தருணம் இது என்றும் கூறினார்.

அவரது உரையும் செய்தியாளர்கள் கேட்ட கேள்விகளுக்கு அவர் அளித்த பதில்களும் சாராம்சம் வருமாறு:

1.யுத்தக் குற்றங்கள் தொடர்பாகவும் மனித உரிமை மீறல்கள் தொடர்பாகவும் இலங்கையில் நிச்சயம் விசாரணை நடத்தப்படவேண்டும். ஆனால் இது அர்த்தமுள்ளதாக இருப்பதற்கு ஐ.நாவில் அங்கம் வகிக்கும் நாடுகளின் ஆதரவும் இவ்விசாரணையின் நோக்கம் நடுநிலையாகவும் குறிக்கோளுடையதாகவும் இருக்க வேண்டும்.

2.இலங்கை அரசு எத்தகைய சர்வதேச அழைப்புக்களுக்கும் பொறுப்புடைமையோடும் தெளிவாகவும் பதிலளிக்கத் தயாராயிருக்க வேண்டும்

3.இலங்கை அரசு தான் அளித்த வாக்குறுதிகளைக் காப்பாற்றுவதற்கு எப்போதும் முயற்சிக்க வேண்டும்

4.யுத்தப் பிரதேசத்தில் பணியாற்றிய அரச வைத்தியர்கள் இலங்கை அரசின் கட்டுப்பாட்டில் விசாரிக்கப்படுகின்றனர். தற்போது பாதுகாப்பாக உள்ளனர். செஞ்சிலுவைச் சங்கம் அவர்களைப் பார்வையிட அனுமதி உள்ளது.

பான் கீ மூன் இவ்வருடத்தில் இலங்கையில் கொல்லப்பட்ட தமிழ் மக்களின் எண்ணிக்கை தொடர்பாக எந்த கருத்தும் வெளியிடவில்லை. மூடப்பட்ட அறைகளுக்கிடையே இலங்கை ஐ.நா பிரதிநிதியினுடனும் ஏனையவர்களுடனும் நடைபெற்ற இக்கூட்டத்தில் இலங்கை அரசு மீது எந்த அழுத்தமும் பிரயோகிக்கப்பட்டதாகத் தெரியவில்லை.

மேலும் இதுவே இலங்கை இனப்பிரச்சனை தொடர்பாக பாதுகாப்புச்சபையில் விவாதிக்கப்பட்ட இறுதிக்கூட்டம் என்றும் பான்கீமூன் தெரிவித்தார்.

உங்கள் கருத்துக்கள்

Last Updated on Saturday, 06 June 2009 06:45

Untitled Document