உலகில் இன்று பெருகிவரும் பல சிக்கல்களிடையே முதன்மையாக குழந்தைத் தொழிலாளர் முறையைக் கூறலாம். யுனிசெப் அறிக்கையின் படி உலகம் முழுவதிலும் 5 முதல் 14 வயதுக்குட்பட்ட 158 மில்லியன் சிறுவர்,சிறுமிகள் வீட்டு வேலைத் தவிர பிற வேலைகளில் ஈடுபடுத்தப்படுகின்றனர். இச்சிறுவர் சிறுமிகள் அமர்த்தப்பட்டிருக்கும் பணிகள் மிகக்கடினமானவை.

சிறுகுழந்தைகள் இயந்திரத்திற்கு அடியில் சென்று காட்டன் பாபினை செருகும் பணியிலும் ஈடுபடுத்தப்படுகின்றனர். மேலும் நிலக்கரிச் சுரங்கத்திலும், சிறிய, குறுகிய சுரங்கக் கால்வாய்க்குள் சென்று கிராவல்களை அள்ளுவதிலும் பெரியவர்களுக்கு பதிலாக பயன்படுத்தப்படுகின்றனர்.

சில சிறுவர்கள் தீப்பெட்டி விற்பனை செய்வது, பூ விற்பனை செய்வது மற்றும் சுத்தம் செய்யும் பணிகளிலும், வெளியில் சென்று வேலை பார்க்கின்றனர்சிலர் வணிகத் துறையில் பயிற்சியாளர்களாகவும், வீட்டு வேலைப் பணியிலும் அமர்த்தப்படுகின்றனர். 18ம் நூற்றாண்டின் மத்தியில் லண்டனில் மட்டும் ஒருலட்சத்து 20 ஆயிரம் வேலைக்கார சிறுவர்கள் பணிபுரிந்தனர். கட்டுமான பணிகளில் கோடைகாலத்தில் ஒரு வாரத்திற்கு 64 மணி நேரமும், மழை மற்றும் பனிக்காலத்தில் 52 மணிநேரமும் சிறுவர்கள் வேலை செய்கின்றனர். வீட்டு வேலை பார்க்கும் சிறுவர், சிறுமிகள் ஒருவாரத்திற்கு 80 மணிநேரம் உழைக்கின்றனர்.

ஏழைக்குடும்பங்களில் குழந்தைத் தொழிலாளர்களின் வருமானத்தைச் சார்ந்துள்ளனர். சிலநேரங்களில் குடும்பத்திற்கான வருமானமே குழந்தையிடமிருந்து தான் என்ற நிலையில் உள்ளனர். தொழில்துறையில் இது அடிக்கடி நடக்கும் நிகழ்வு என்பதால் மறைக்கப்பட்டு விடுகிறது. குழந்தைத் தொழிலாளர் விவசாயம் தொடர்பான பிற பணிகளிலும், நகர்ப்பகுதிகளில் வீட்டு வேலைகளுக்கும் பயன்படுத்தப்படுகின்றனர்.

குழந்தைத் தொழிலாளர் ஒழிப்பு முறையானது குழந்தைகளுக்கான குறுகிய கால வருமானம் மற்றும் நீண்ட கால பயன்கள் என்ற இரண்டு சவால்களை வலியுறுத்த வேண்டியுள்ளதுகுறிப்பிட்ட வயது வரை வேலை பார்க்கக்கூடாது என்பதை சில இளையோர் உரிமை குழுக்கள் எதிர்க்கின்றன. அவர்களின் விருப்பங்கள் மறுக்கப்படுவதாகவும், மனித உரிமை மீறலாகவும், பணத்திற்காக வேலை செய்யவும் இளையோர்கள் விரும்புகின்றனர்.

1999ம் ஆண்டு உலகளவில் குழந்தைத் தொழிலாளர் முறைக்கு எதிரான ஓர் இயக்கம் உருவெடுத்தது. ஆயிரக்கணக்கான மக்கள் இந்த இயக்கத்தில் பங்கேற்றனர். 1998ம் ஆண்டு ஜனவரி 17ம் தேதி துவங்கப்பட்ட இந்த இயக்கம் உலகத்தின் ஒவ்வொரு மூலைக்கும் சென்று, அதிகளவு மக்களுக்கு விழிப்புணர்வை ஏற்படுத்தி, அவர்களையும் பங்கேற்க வைத்தது. ஜெனிவாவில் நடைபெற்ற குழந்தைத் தொழிலாளர் அமைப்பு கருத்தரங்கில் இந்த இயக்கம் நிறைவுபெற்றது. இதில் பங்கேற்றவர்கள் குழந்தைத் தொழிலாளர் அமைப்பு உடன்படிக்கையை ஆதரித்தும், குழந்தைத் தொழிலாளருக்கு எதிரான அணுகுமுறையும் எதிர்த்தும் பேசினர். தொடர்ந்த ஆண்டில் இந்த உடன்படிக்கையானது ஜெனிவாவில் நடந்த குழந்தைத் தொழிலாளர் அமைப்பு கருத்தரங்கில் ஒருமனதாக ஏற்றுக்கொள்ளப்பட்டது. குழந்தைத் தொழிலாளர் அமைப்பு வரலாற்றில், இன்று 169 நாடுகள் இந்த உடன்படிக்கைக்கு ஒப்புதல் அளித்துள்ளது. உடன்படிக்கை ஒப்புக் கொள்ளப்பட்டதற்கு உலகளவில் நடந்த விழிப்புணர்வே மிகப்பெரிய காரணமாகும்.

ஆசியாவில் 61 சதவீதமும், ஆப்பிரிக்காவில் 32 சதவீதமும், லத்தீன் அமெரிக்காவில் 7 சதவீதமும், அமெரிக்காவில் ஒரு சதவீதமும், கனடா, ஐரோப்பா மற்றும் செழிப்பான நாடுகளிலும் குழந்தைத் தொழிலாளர்கள் உள்ளனர். ஆசியாவில் நடைபெறும் வேலையில் 22 சதவீத வேலையானது, குழந்தைத் தொழிலாளர்களாலும், லத்தீன் அமெரிக்காவில் 17 சதவீத வேலை, குழந்தைத் தொழிலாளர்களாலும் செய்யப்படுகின்றன. குழந்தைத் தொழிலாளர்களின் எண்ணிக்கை விகிதம் நாட்டுக்கு நாடும், நாடுகளுக்குள்ளேயும் நிறைய அளவில் வேறுபட்டு காணப்படுகின்றன.

குழந்தைத் தொழிலாளர் முறையைத் தடுக்க வேண்டுமானால் காவல்துறையினர், தொழிற்சாலைகளுக்கு அடிக்கடிச் சென்று ஆய்வு செய்ய வேண்டும். சுயலாபத்திற்காக குழந்தைகளை வேலைக்கு அமர்த்துவோருக்கு எதிராக கடும் நடவடிக்கை எடுக்கப்பட வேண்டும். அப்போதுதான் நாகரீக வளர்ச்சி பெற்ற சமுதாயமாக நாம் உருவாக முடிவதுடன் குழந்தைகளின் சுதந்திரத்தையும் பேண முடியும்.

- நவன்

உங்கள் கருத்துக்கள்

T.Nirmal karunakaran

0

 

 

வனக்கம் கட்டுரை பயன் உல்லதக உல்லது

Monday 11 January 2010, 14:09

Post Reply

Name *
Email (For verification & Replies)
Code   
ChronoComments by Joomla Professional Solutions

Submit Comment

Cancel

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment