மத்திய அமைச்சர் நெப்போலியன் கம்யூட்டர் கம்பெனி பெயரில் மோசடி

பக்கத்தை சேமிக்க! & பகிர!

| வேறு

இன்றைய செய்திகள்

இணைப்புக்கள்

இணைப்பதற்கு

இங்கே உங்கள் இணையத்தளத்தை அல்லது வலைப்பதிவை இணைப்பதற்கு கிளிக்!

சினிமா கேலரி

இலவச நியூஸ்லெட்டர்..

மேலும் விபரம் இங்கே

மத்திய அமைச்சர் நெப்போலியன் கம்யூட்டர் கம்பெனி பெயரில் மோசடி - மூவர் கைது !

Written by Amsha

Monday, 08 February 2010 07:00

சென்னையில் மத்திய அமைச்சர் நெப்போலியனுக்கு சொந்தமான ஜூவன் கம்ப்யூட்டர் நிறுவனத்தின் பெயரை தவறாக பயன்படுத்தி மோசடி செய்த என்ஜினீயர் உள்பட 3 பேரை போலீசார் கைது செய்தனர்.சென்னை மைலாப்பூர் ஆர்.கே.சாலையில் உள்ளது ஜீவன் டெக்னாலஜி. இந்த நிறுவனம் மத்திய அமைச்சர் நெப்போலியானுக்கு சொந்தமானது .இதன் முதன்மை இயக்குனராக சுரேஷ் பெரியசாமி உள்ளார்.
இவர் சென்னை போலீஸ் கமிஷனர் ரஜேந்திரனை சந்தித்து புகார் மனு கொடுத்தார். அந்த மனுவில் கூறி இருப்பதாவது

எங்கள் நிறுவனத்தின் பெயரில் போலியான இணையதள இ மெயில் ஐ.டி -யை சிலர் உருவாக்கியுள்ளனர். எங்கள் நிறுவனம் நடத்திய வேலைவாய்ப்புக்கான நேர்காணல் தேர்வில் வெற்றி பெறாத பொறியியல் பட்டதாரிகளுக்கு வேலைவாய்ப்பு நியமனங்களை போலியாக வழங்கி உள்ளனர். இதற்காக 8 பேரிடம் தலா ரூ.30 ஆயிரம் வீதம் பணம் வசூலித்து சுமார் ரூ.21/2 லட்சம் மோசடியில் ஈடுபட்டுள்ளனர். இந்த மோசடியில் ஈடுபட்டவர்கள் மீது போலீசார் உரிய நடவடிக்கை எடுக்க வேண்டும் என்று கூறியுள்ளார்.

இதனையடுத்து, இந்த புகார் மனு மீது உரிய நடவடிக்கை எடுக்கும்படி சென்னை மத்திய குற்றப்பிரிவு போலீசாருக்கு சென்னை போலீஸ் கமிஷனர் ராஜேந்திரன் உத்தரவிட்டார்.

அதன்படி போலீசார் நடத்திய விசாரணையில் மோசடியில் ஈடுபட்ட என்ஜினீயர்கள் சென்னை சாலிகிராமத்தை சேர்ந்த கார்த்திகேயன் (26), நாமக்கல்லை சேர்ந்த ராஜா( 27) மற்றும் ராஜபு (33) ஆகிய மூன்று பேரை போலீசார் கைது செய்தனர்.