இந்தியாவில் வெளிநாட்டு பல்கலைகழங்களை அனுமதி்க்க மத்திய அமைச்சரவை எடுத்திருக்கும்  முடிவை அனைத்திந்திய மாணவர் பெருமன்றம் வன்மையாகக் கண்டிக்கிறது என அனைத்திந்திய மாணவர் பெருமன்றத்தின் மாநிலச் செயலாளர்  ம.வெங்கட்ராமன் தெரிவித்துள்ளார்.  இது தொடர்பாக அவர் இன்று வெளியிட்ட அறிக்கையொன்றிலேயே இவ்வாறு தெரிவிக்கப்பட்டிருப்பதாக அறியவருகிறது.

நித்யானந்தா விவகாரம்  வெளியாகிய வேகத்திலேயே பிசுபிசுக்கத் தொடங்கியிருப்பதாக ஊகந் தெரிவிக்கப்படுகிறது.  வீடியோவில் இருப்பது தானேயென்று  நித்தியானந்த வெளிப்படையாகச் சொல்லத் தொடங்கியிருக்கின்றார். இந்த வீடியோவை ஒளிபரப்பியது தவறு என்ற வகையில் கர்நாடக முதல்வர் கருத்துத் தெரிவித்திருக்கின்றார்.

இஸ்ரோ எனப்படும்,  இந்திய விண்வெளி ஆராய்ச்சி ஆய்வு  மையத்தின்  மீது இன்று காலை துப்பாக்கிச் சூடு நடத்தப்பட்டதாக அறியப்படுகிறது. இனந்தெரியாத இரு நபர்கள் இத்தாக்குதலை மேற்கொண்டதாகவும்,  காவல் பணியிலிருந்த  பாதுகாப்புப் படை வீரர்கள்  பதில்தாக்குதல் மேற்கொள்ளவே, தாக்குதலில் ஈடுபட்ட நபர்கள் தப்பியோடிவிட்டதாகவும் காவல்துறை வட்டாரங்களை மேற்கோள் காட்டிச் செய்திகள் வெளியாகியுள்ளன.

தமிழகத்தின் புதிய சட்டசபை கட்டத்திறப்புவிழா நேற்று மாலை சென்னையில் வெகு சிறப்பாக நடைபெற்றது. இவ்விழாவில் இந்தியப் பிரதமர் மன்மோகன்சிங், காங்கிரஸ்கட்சித் தலைவர் சோனியா காந்தி,  கர்நாடக முதல்வர் எடியூரப்பா, ஆளுநர் பர்னாலா உட்பட மேலும் பல முக்கியஸ்தர்கள் கலந்து கொண்டார்கள். புதுடில்லியிலிருந்து சிறப்பு விமானம் மூலம் சென்னைக்கு வந்த இந்தியப் பிரதமர் மன்மோகன்சிங், காங்கிரஸ் தலைவர் சோனியா காந்தி ஆகியோரை விமானநிலையத்தில்தமிழக முதல்வர் கலைஞர் கருணாநிதி வரவேற்றார்.