அபிவிருத்தி மற்றும் மறுசீரமைப்பு தொடர்பான தீர்மானங்களை எடுப்பதற்காக , ஜனாதிபதி மகிந்த ராஜபக்க்ஷவினால் அமைக்கப்பட்டுள்ள சர்வ கட்சி பிரதிநிதிகள் குழுவின் முதல் கூட்டம் நேற்று ஜனாதிபதி தலைமையில் நடைபெற்றுள்ளது. இதில் தமிழ் தேசிய கூட்டமைப்பும் கலந்து கொண்டுள்ளது.

இடம்பெயர்ந்துள்ள மக்கள் தொடர்பாகவும் அவர்களுக்கு வழங்கப்பட்டு வரும் அடிப்படை வசதிகள், இடம்பெயர்ந்தவர்கள் மீளக்குடியமர்த்துதல் தொடர்பாகவும் முக்கியமாக விவாதிக்கப்பட்டுள்ளது. இதில் சிறிகாந்தா தலைமையில் த.தே.கூ இன் 8 நாடாளுமன்ற உறுப்பினர்கள் கலந்து கொண்டுள்ளனர்.

இக்கூட்டத்தில் வன்னியில் இருந்து இடம்பெயர்ந்து வவுனியா முகாம்களில் வைக்கப்பட்டுள்ள 3 இலட்சம் மக்கள் தொடர்பாகவே த.தே.கூ உம் கவனம் செலுத்தியிருந்தது. இம்மக்களை மீளக்குடியமர்த்துவதற்கான நடவடிக்கைகளை துரிதமாக மேற்கொள்ள வேண்டும், அதற்கு அரசாங்கம் எடுக்கும் நடவடிக்கைகளுக்கு தமது ஆதரவு கிடைக்கும் எனவும் கூட்டமைபினர் தெரிவித்துள்ளனர்.

இக்கூட்டத்தில் கலந்து கொண்ட அனைத்து கட்சிகளின் பிரதிகளும், நல்லெண்ணத்தையும், அபிவிருத்தியையும் நோக்கமாக கொண்டு அரசு மேற்கொள்ளும் நடவடிக்கைகளுக்கு தமது ஆதரவை வழங்குவதற்கு இணக்கம் தெரிவித்திருப்பதாக, ஊடக அமைச்சர் அனுர பிரியதர்ஷன யாப்பா தெரிவித்துள்ளார்.

ஜனாதிபதி செயலகத்தில் நேற்று நண்பகல் இக்கூட்டம் நடைபெற்றுள்ளது. 'பயங்கரவாதத்தால் மறுக்கப்பட்டிருந்த மக்களின் உரிமைகள் அரசாங்கத்தின் மனித நேய நடவடிக்கைகளால் மீளப்பெற்றுக்கொடுக்கப்பட்டுள்ளது.தற்போது அவர்களுக்கு உளரீதியாக ஏற்பட்டிருக்கும் காயங்களுக்கு மருந்து போடும் சூழ்நிலை தோன்றியுள்ளது. அபிவிருத்தியின்றிஅவர்களுக்கு இடையில் நல்லிணக்கங்களை மேற்கொள்ள முடியாது.' என ஜனாதிபதி தெரிவித்தார்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment