சிறிலங்காவின் வடக்கில் தீவிர யுத்தம் நடைபெற்றுக்கொண்டிருந்த போது, அரச கட்டுப்பாடற்ற பிரதேசத்தில் வைத்திய சேவைகளை புரிந்து வந்த அரச வைத்தியர்கள் மூவரும் பயங்கரவாத தடுப்பு பிரிவினரால் தொடர்ந்தும் தடுத்து வைக்கப்பட்டு விசாரணை மேற்கொள்ளப்படுகின்றனர்.

நாட்டின் இறையாண்மைக்கு எதிராக செயற்பாட்டார்கள் எனவும், உண்மைக்கு புறம்பான தகவல்களை தொடர்ந்து வழங்கி வந்தார்கள் எனவும், இவ்வைத்தியர்கள் மீது குற்றம் சாட்டப்பட்டிருந்தது. இந்நிலையில், இம்மூவரில் ஒருவரான கிளிநொச்சி வைத்தியசாலையின் அரச அதிகாரியாக டி.சத்தியமூர்த்தி, நீதிமன்றத்தில் பிரதான நீதவான் நிஷாந்த ஹப்புவாராச்சி முன்னிலையில் ஆஜர் படுத்தப்பட்டார். அவருடன் விடுதலைப்புலிகளின் மருத்துவ பிரிவில் பயிற்சி பெற்ற கந்தசாமி துரைநாதன், தாதி ஆறுமுகம் ஜெயலக்ஷ்மி ஆகியோரும் ஆஜர் படுத்தப்பட்டனர்.

இவர்கள் விடுதலைப்புலிகளின் பயங்கரவாத நடவடிக்கைகளுக்கு பெருமளவில் உதவிகளையும் ஒத்துழைப்புக்களையும் வழங்கியுள்ளனர் என குற்றப்புலனாய்வு துறை திணைக்கள அதிகாரிகள் குறிப்பிட்டுள்ளனர். மேலும் அந்த வைத்தியசாலையில் இருந்து சுகாதார பணியாளர்களுடன், புலிகளின் கட்டுப்பாட்டு பகுதிக்கு சென்று, விடுதலைப்புலிகளுக்கு சிகிச்சை அளித்துள்ளனர் எனவும், வேலுப்பிள்ளை பிரபாகரனுக்கும் சிகிச்சை அளித்துள்ளனர் எனவும் குற்றம் சாட்டப்பட்டனர்.

இதனை செவிமடுத்த நீதவான், அந்நபர்களை பார்வையிட்டதுடன், எதிர்வரும் 17 ஆம் திகதி வரை தடுப்புக்காவலில் வைக்குமாறும், அதன் பின்னர் மீண்டும் தம் முன் ஆஜர்படுத்துமாறும் உத்தரவிட்டுள்ளார்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment