ஆப்கானிஸ்தானிலுள்ள சீனியர் அல்கொய்தா தலைவர் ஒருவர் சமீபத்தில் பாகிஸ்தானின் பெஷாவார் நகரில் இடம்பெற்ற குண்டுத்தாக்குதல்களுக்கு பின்னால் அமெரிக்காவின் செக்கியூரிட்டி குழுவான பிளாக் வாட்டர் செயல் புரிந்திருப்பதாக அறிக்கை விடுத்துள்ளார்.

முஸ்தபா அபு யாசிட் என்று இனங்காணப்பட்டுள்ள மேற்படி நபரின் ஒலிநாடாவில் மேலும் தெரிவித்திருப்பதாவது, முஸ்லிம்கள் யாரும் இத்தாக்குதலுக்குப் பின்னால் இருக்கக் காரணமில்லை. ஏனெனில் முஸ்லிம்கள் இன்னொரு முஸ்லிமின் உயிரை மதித்து காப்பாற்றுவதற்காகவே சண்டை புரிகின்றனர்.

பிளாக் வாட்டர் செக்கியூரிட்டி பல கிரிமினல் அமைப்புக்களுடன் தொடர்பு கொண்டவாறே பாகிஸ்தானுக்குள் பிரவேசித்தது. இப்போது அவர்கள் மட்டுமே இத்தகைய ஈனத்தனமான செயல்களில் ஈடுபடுகின்றனர். யாசிட் அல்கொய்தாவின் தேடப்படும் 3 வது நபர் என்பதும் ஆப்கானிஸ்தானில் மேற்கொள்ளப்படும் தாக்குதல் திட்டங்களை வடிவமைக்கும் கொமேண்டர் என்பதும் குறிப்பிடத்தக்கது. இந்த ஒலிநாடா உடனடியாக பல இஸ்லாமிய இணையத் தளங்களிலும் பதிவு செய்யப்பட்டு வெளியிடப்பட்டது. கடந்த செவ்வாய்க்கிழமை பெஷாவார் நகரின் டிராபிக் வட்டத்தில் தற்கொலை கார் குண்டு வெடித்ததில் குழந்தைகள் உட்பட 26 பொதுமக்கள் பலியாகியிருந்தமையும் அக்டோபர் 28 ம் திகதி மிகப்பெரியளவில் பெஷாவார் நகரின் மையமான மார்க்கெட்டில் வெடித்த கார்க்குண்டு 100 பேரைப் பலி வாங்கியிருந்தததும் குறிப்பிடத்தக்கது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment